Dokalmaýan matalary öndürmegiń usullary

1. Dokalmaýan matalary öndürmegiń mehaniki usullary.

2. Dokalmaýan matalary öndürmegiń fiziki-himiki usullary.

3. Dokalmaýan matalary öndürmegiń utgaşdyrylan usullary.

1. Dokalmaýan matalary öndürmegiń mehaniki usullary.

Mehaniki tehnologiýa boýunça öň aýdylyp geçişimiz ýaly orme-tikme we iňňeli deşme usullary bilen dokalmaýan matalar öndürilýär. Bu usullarda dokalmaýan matalar süýümli pişgäniň esasynda öndürilýär. Iňňeli deşme usuly bilen dokalmaýan matany emele getirmek süýümli pişgäni ýörite iňňeler bilen deşip berkitmek arkaly alynýar.

surat . Ińńeli deşme maşyny we deşme ińńesi.

1. Pişge.

2. Gözenek.

3. Ýerleşdiriji stol.

4. Göýberiji oklowlar.

5. Süýşiriji stol.

6. Iňňedan.

Pişgäni emele getirijiden iýmitlendiriji gözenegiň 2 kömegi bilen getirilýän pişge 1 ýerleşdiriji 3 we süýşiriji 5 stollaryň arasyndan geçýär. Iňňeden 6 argaç tagtada berkidilen iňňelerden durup dik tekizlikde aşak-ýokaryk hereket edýär. Aşak düşüp iňňeden iňňeleri bilen pişgäni deşýär. Şonda iňňeler öz kertikleri bilen pişgäni deşýär. Şonda iňňeler öz kertikleri bilen ýokarky gatlakdaky süýümleri aşaky gatlaga alyp gidýär we gatlary öz süýümleri bilen tikýär. Iňňeler ýokary göterilende iňňeler pişgesinden süýşüriji stolyň saklaýan erkin çykýarlar. Iňňeler pişgeden çykandan soň, göýberiji oklowlar 4 kömegi bilen pişge süýşürilýär.

Ińńeli deşme maşynlary darak maşynlary we pişgäni emele getiriji bilen bir hatarda işleýär.

Süýümli materialy iňňeli deşme bilen berkitmegiň peýdalylygy diňe ýokarky gatlagyň süýümleriniň iň aşaky gatlaga, pişgäniň bütin galyňlygyna çenli çekilip ertilen ýüze çykýar. Deşmäniň dykyzlygy, ýagny 1 sm deşikleriň sany şu ańlatma bilen kesgitlenýär.

D=K/I ;

bu ýerde:

Ańlatmadan görnüşi ýaly deşmäniň dykyzlygyny iňňedandaky iňňeleriň dykyzlygyny ýokarlandyryp bilýär. Iňňeli deşilen materialyň dykyzlygy deşmäniň dykyzlygyna baglylygy parabola şekillidir.

Aşakdaky suratdan görnüşi ýaly deşmeleriň dykyzlygy ýokarlandyrmazdan materiallaryň dykyzlygy belli bir çäge çenli ýokarlanýar, şonda bolsa aşak gaçyp ugraýar.

surat . Dokalmaýan matalaryń üzülme agramynyň deşmäniň dykyzlygyna baglylygy.

2. Dokalmaýan matalary öndürmegiň fiziki-himiki usullary.

Fiziki-himiki tehnologiki usullary bilen öndürilýän dokalmaýan matalaryň içinde has köp ýaýrany ýelimleme usulydyr. Bu onuň ýokary öndürijiligi we ýönekeýligi bilen düşündirilýär. Önümçiligiň mazmuny gatlaklary süýümlerden ýa-da sapaklaryň ulgamlaryndan emele getirmekden, ony ýelimli ergini siňdirmekden we guratmakdan durýar. Ýelimli erginlerden baglanyşdyryjy material hökmünde polimerler, smola, kauçuk ulanylýar. Siňdirme materialy doly ýa-da bölekleýin çümdirme arkaly ýa-da sepme arkaly amla aşyrylýar.

Ýelimli materiallary öndürmek üçin önümçilik hataryna seredeliň.

Ol aşakdaky böleklerden durýar:

1. Pişgäni emele getiriji maşyn.

2. Ýelimli siňdiriji maşyn sykyjy oklowlary bilen gyzgyn howaly.

3. Guradyjy maşyn.

4. Barabanly guradyjy maşyn.

5. Çekip-daraýjy maşyn.

Önümçilik hatary pişge bilen tüýtme-saýma agregatynyň üsti bilen üpjün edilýär. Ýelimleýji materiallar hökmünde esasan kauçuk lateksleri we poliwinil spirti ulanylýar.

. Ýylylykly basma usulynda dokalmaýan matalary öndürmek üçin tehnologiki hatary.

Ýylylykly basma usulynda dokalmaýan matalary öndürmegiň mazmuny süýümlerden we termoplastiki polimerden durýan pişgäni ýokary gyzgynlyk derejeli bezeg kalandrlarynyň üstünden geçirmekden ybaratdyr. Ýylylygyń täsiri netijesinde polimerler ereýär we pişgedäki süýümler ýelimlenýär. Ýelimleýji materiallar poroşok, plenka, tor, sapaklaryň ulgamy görnüşlerinden ulanylýar. Bu usul hem ýönekeý, hem ýokary öndürijilikli we ykdysady taýdan amatlydyr.

3. Dokalmaýan matalary öndürmegiň utgaşdyrlan usullary.

Utgaşdyrma usuly bilen öndürilýän usullaryň içinde has köp ýaýrany elektriklokirleme usulydyr. Elektrikflokirleme usuly süýümleri elektrik meýilnamanyň hatarynda güýçleriň boýuna ugrukdyrmakdan ybaratdyr.

Onuň mazmuny ýelim bilen örtülen esasa ýokary güýçli elektrik meýdanynyň üsti bilen gysga süýümleri ugrukdyrmakdan durýar.

surat. Elektrik flokirleme usuly bilen matalaryń öndürilişi.

Ýelim bilen örtülen esasy 1 (mata, trikotaž, tekiz materiallar) 3 we 6 elektrodlaryň arasyndaky flokirleme zolagyna geçirilýär. Elektrodlar elektrik meýdany 2 ýokary güýçli iýmitlendirijiniň 4 kömegi bilen döredýärler. Bu zolakda bolsa süýümleri ugrukdyrma we esasyň üstüne eltme aşyrylýar. Esasyň ýelimli gatlagynda süýümleri berkitmek guradyjy kamerada 5  bolup geçýär.

Elektrikflokirleme usuly bilen emeli zamşa, sütük we beýleki durmuş we tehniki niýetlere niýetlenen materiallar öndürilýär.

Barlag soraglary:

1. Iňňeli deşme usuly bilen haýsy matalar öndürilýär?

2. Ýylylykly basmada ýelimlemek üçin haýsy materiallar ulanylýar?

3. Elektrikflokirleme näme?