1. Arassalamanyň
ähmiýeti we arassalanmaly hapalar we kemçilikler.
2.
Arassalamada täsir ediji faktorlar:
3.
Arassalamagyň derejesi we arassalama garşylyk.
4. Arassalama
netijeligi.
1. Arassalamanyň
ähmiýeti we arassalanmaly hapalar we kemçilikler.
Arassalamada süýümlere
ýapyşan hapalary bölüp aýyrmaly bolýar. Onuň
üçin köp ýagdaýlarda şu işleri
ýerine ýetirmeli: materialdan süýümiñ
böleklerini tüýdüp almaly we olary batly urmaly
ýa-da silkmeli. Köplenç
süýümiñ böleklerini gözenekden silkip we
sürtüp geçirmeli. Şonda hapalar,
tozanlar, özge maddalar we nepsler aýyrylamaly. Arassalama
egirmede mydama-da möhüm iş bolup durdy, onuň mundan
beýläk hem ähmiýeti ulalar. Çüňki
soňky wagtlar materialyň ilkinji işlenip bejerilişi has gödek bolup
geçýär. Mysal üçin, pagta
arassalaýjy zawodlarda pagtañ jinler bilen işlenişi
gaty ýokary tizlikde we güýçli
geçýär. Netijede hapalar-tozgalar
köpelýär, süýümiň
kemçilikleriniň sany artýar. Beýleki tarapdan
täze egirme usullar has gowy arassalanan materialy talap
edýärler (Open-end egirme usuly).
2. Arassalamada täsir
ediji faktorlar:
· Hapalaýjy
bölejikler näçe uly bolsa şonça - da olary
aýyrmak aňsat.
· Her
tüýdüji-arassalaýjy maşyn bu bölejikleri
mynjyradýar, ownadýar. Şonuň üçin hapalary
başyndan köpräk aýyrmaga ymtylmaly.
· Arassalama
işler göni tüýtmeden soň geçirilmeli
(mümkin bolsa şol bir maşynda tüýtme we arassalama
işler bilelikde edilmeli).
· Tüýtme
derejesi näçe ýokary bolsa şonça-da arassalama
derejesi ýokary bolar.
· Arassalamagyň
täsiri (güýji) näçe ýokary bolsa,
şonça-da süýümleriň ýitgileri
ýokary bolar.
· Kä-bir
ýagdaýlarda tüýtme-arassalama bölüminiñ
enjamlarynda arassalamany azaldyp darak maşynlarda arassalama derejesini
köpeltmek amatly bolýar.
· Nirede galyndylary
arassalaýan enjamlar oturdylan bolsa şol kärhanalaryň
tüýtme-arassalama bölümlerinde galyndylaryň has
köp mukdarda çykmagyna rugsat edilýär.
· Silindrleriñ
tizlikleri näçe ýokary bolsa şonça-da arassalama
güýçli bolýar, emma
süýümler hem has güýçli işlenilende
zaýalanyp bilýärler.
· Material belli bir
amatly tizlikden ýokary tizliklerde işlenende hapa kän bir
artykmaç aýyrylmaýar, emma süýümler
has gaty zaýlanýar, galyndylar köpelýär.
· Arassalama has
kynlaşýar haçan-da hapa süýüm arassa
süýüm bilen garyşdyrylanda.
· Çyg
ýagdaýda bolan material gury materialdan tapawutly halynda
arassalanýar.
· Materialyň
çykaryş tizligi näçe ýokary bolsa we
iýmitlendirilýän watkanyň (pişgäniň)
galyňlygy näçe uly bolsa, şonça-da
arassalamagyň täsiri gowşaýar.
Trutzschlerin
arassalayjy enjamynda arassalamany sazlamak
3.
Arassalamagyň derejesi we arassalama garşylyk.
Öňler arassalaýjylyk täsirini diňe takmyn hasaplap bolýardy,
häzirki zamanda ol takyk kesgitlenip bilýär we
deňeşdirmeler üçin ulanylyp bilýär.
Şol maksatlar üçin arassalama indeksi şeýle
kesgitlenip biliner:
Aindex
= (Hiýmit - Hçykyş)·100%
/ Hiýmit
Bu ýerde Hiýmit
- iýmitlendirilýän materialyň hapalygy %
Hçykyş - çykýan materialyň hapalygy
%
Hapalyk ýa-da hapañ düzümi
Shirley Analyser, HVI ýa-da AFIS ýaly enjamlaryň kömegi
bilen kesgitlenýär.
Arassalama indeksi
diňe hapalyga bagly däldir. Hapalaýjy
bölejikleriň ululygy we hapanyň süýümlere
ýapyşmagyň güýji bu başga bir uly täsir
ediji faktorlardyr. Şonuñ üçin arassalama
indeksi birmeñzeş hapalanan emma
dürli görnüşli süýümler üçin
tapawutly bolar. Kä-bir görnüşleri
aňsatlyk bilen, kä-birleri bolsa uly kynçylyk bilen arassalanýar.
Şeýlelikde materialyñ arassalanmaklyga
aňsatlygyny aňlatmak üçin bir täze görkeziji
girizildi - arassalama garşylygy.
-nji
4. Arassalama netijeligi.
Ylmy
barlaglara görä arassalaỳjy maşyndaky hapalary 40 %
köp aỳrylanda süỳümleriň ỳitgileri 240 %
köpeldi, jemi galyndy 0,6 %-den 1,2 % çenli galdy. Adatça
süỳümler tüỳtme-arassalama galyndylaryň 40-60 % tutỳar. Her maşyndan çykỳan galyndylaryň
düzümindäki süỳümleriň mukdary
beỳleki maşynyňkydan tapawutlanỳar. Şonuň üçin her maşynda bolup
geçỳän süỳümleriň ỳitgisini
bilmeli.
Ony jemi ỳitgiden %-de aňladyp, arassalama netijeligi
ỳaly görkeziji bilen kesgitleỳärler:
bu ỳerde:
Aj |
- galyndynyň jemi, %; |
As |
- aỳrylỳan peỳdaly
süỳümler, %; |
Meselem:
Hapalyk derejesiniň arassalanyş derejesine bolan baglylyk
diagrammasy aşakdaky –nji suratda
görkezilendir.
-nji
Diagrammadan
görnüşi ỳaly has hapa materialy arassa materialdan
aňsat arassalap bolỳar.
Barlag soraglary:
1. Näme üçin
arassalamanyň ähmiýeti ösýär?
2. Arassalamada esasy täsir ediji faktorlary
aýdyp geçmeli.
3. Arassalamagyň derejesi
nädip kesgitlenýär?
4. Arassalama netijeligi nädip kesgitleỳärler?